KANINA pa nakaupo sa loob ng restaurant si Andriano kung saan sila magkikita ng bagong may-ari ng A&H Valley. Nang malaman niya na si Tricia Silvantes ang nakapangalang bagong owner ng dati niyang kompanya, gumawa agad siya ng paraan para makausap ito agad.
Kung dati, ang binabalak lang niyang gawin ay bawiin ang A&H Valley, ngayon ay nakahanda siyang gawin ang lahat, maging ang paggamit sa kompanya, makuha lamang muli ang asawa.
Natigilan siya nang matanaw mula sa loob ang pagtigil ng isang pulang sasakyan. Matapos buksan ng lalaking nakaitim ang pintuan ng backseat, iniluwa niyon ang babaeng si Tricia.
Dali-dali siyang tumayo at lumapit sa glass door ng restaurant upang salubungin ito. Hahawakan pa lamang ni Tricia ang salaming pinto, pero mabilis na niya itong nabuksan.
"Cupcake." L
