Bahagyang nanlaki ang mga mata niya nang mapagsino ang may kagagawan niyon. "What are you doing, Mr—"
Napasinghap siya ulit nang muntikan nang ilapat ni Andriano ang mga labi nito sa labi niya. Nagkatitigan sila, mata sa mata.
Nagsalubong ang mga kilay niya nang makita ang pamamasa ng mga mata nito. Malamlam na naman ang mga iyon, katulad kanina habang mariin siyang tinititigan nito.
Umangat ang kamay nito sa pisngi niya, marahan iyong hinaplos. "Kumusta ka na? Ang tagal kitang pinanabikang makita."
Bumaba ang paningin nito sa buong katawan niya. Sa pagkakataong iyon, tuluyang umagos ang isang luha sa pisngi nito.
"Ang aksidente, nasaktan ka ba? May masakit ba sa katawan mo?" Hinawakan siya ni Andriano sa magkabilang braso at pilit sinisipat ang kaniyang katawan.
Mabilis na tumalim a
