NAKATAYO sa labas si Patti kasama ang lalaking si Andriano na ngayon ay nakatalikod mula sa kaniya. Nasa tabi ito ng sasakyan nito at mukhang bad mood base sa hitsura ng mukha at talim ng mga mata.
"Sino ang lalaking iyon?" sa wakas ay tuluyan siyang hinarap nito.
"Ah, ano," pinigilan niya ang sarili na ngumiti dahil sa pagkautal-utal niya.
Halata niyang masama ang timpla ng mukha ng lalaki, mukhang nagseselos ito at hindi niya mapigilan ang hindi kiligin.
"Bakit hindi ka makapagsalita?"
Banayad siyang ngumiti at inipit pa ang ilang hibla ng buhok sa tainga niya. "Kababata ko siya."
"Kababata mo?" Umangat ang mga kilay ni Andriano. Lalo itong nainis dahil sa nakikitang reaksiyon mula sa kaniya. Mukha lang naman siyang kinikilig. "Oh, I thought he was your boyfriend."
"Boyfriend? Ba'
