NAKANGITI si Patti matapos magsalin ng tubig sa glass vase at ilagay roon ang mga bulaklak na binili niya.
Bumalik siya sa loob ng silid ni Sergio at ipinatong ang sisidlan sa ibabaw ng side table ng kinahihigaan nito.
Naupo siya at nagsimulang magbasa ng libro. Noon, halos araw-araw niya itong ginagawa—magpunta sa ospital, kausapin ito, basahan ng libro, subalit ngayon, dahil sa nangyayari ay halos mahirapan na siyang puntahan ito nang isang beses sa isang linggo.
Noong isang gabi, nagpaalam sa kaniya si Andriano na uuwi ito kay Maggie dahil nakiusap ang babae na magkita sila. May sasabihin daw itong mahalaga.
Hanggang sa natapos siyang magbasa, iyon pa rin ang laman ng isipan niya. Paano kung ang sasabihin nito kay Andriano ay tungkol sa pagbubuntis nito?
Paano kung gamitin nito ang
