NARAMDAMAN niya ang mainit na palad ni Andriano sa kaniyang pisngi. Hinawakan niya iyon at napapikit habang dinadama ito sa pisngi niya.
Maya-maya lang ay lumapat na sa mga labi niya ang labi nito. Hindi siya kumilos sa kinauupuan at ninamnam lang ang mga labi ni Andriano.
"Patti! Yoohoo! Kakain na!"
Natigilan silang dalawa nang dahil sa narinig. Agad na tumalim ang mga mata ni Andriano habang nakatingin sa nakabukas na pintuan ng kaniyang bahay.
Awkward siyang tumawa. Nasa loob pa rin sila ng kotse nito, hinatid siya ng lalaki mula sa ospital.
"Maingay talaga ang isang iyon kahit kailan."
Narinig naman niyang nagbuga ng hangin si Andriano bago ito umayos ng pagkakaupo.
"Gusto pa sana kitang makasama, pero dahil wala si Carol, marami akong aasikasuhin sa kompanya."
Nang-uunawa siya
