BUMUKAS ang malaking pintuan ng mansiyon at ganoon na lang ang pagkatigil ni Maggie nang makita siya.
"Patti, nandito ka pala." Sumilay ang ngiti sa mga labi nito at mas nilakihan pa ang awang ng pintuan. "Halika, pasok."
Diretso naman siyang pumasok sa loob at tumigil sa mismong harap nito. "Huwag ka ngang umakto na parang sa iyo itong mansiyon. Wala kang karapatan dito."
Mabilis na natigilan ang babae sa mga narinig. Nagbaba ito ng mukha dahil sa pagkapahiya. "Hindi ko naman inaangkin ito."
Inis siyang umiling sa nakikitang kilos mula sa babae. Bait-baitan na naman! "Ano itong nalaman ko? Aalis kayo ni Andriano? Sasama ka sa kaniya papunta sa US?"
"Ah, oo—"
"Pumayag kang sumama? Ni hindi mo pa nga ito sinasabi sa akin!"
"Sandali lang, Patti. Makinig ka muna." Hinawakan siya nito s
