HINDI makapaniwala si Patti sa mga narinig. Matagal silang nagkatitigan ng binatang si Sergio matapos ng mga sinabi nito. Nagpapatawa ba ang lalaki? Tutulungan siya nito kapalit ng tulong niya, pero gusto nitong maging asawa siya?
Huminga siya nang malalim bago kalmadong tumayo at biglang nag-walkout. Wala siyang planong sakyan ang biro nito. Naabutan siya ng lalaki sa gitna ng malawak na sala sa labas lamang ng dining room.
"What kind of a sick joke is this?" Marahas niyang binawi ang brasong hawak ni Sergio.
Banayad na ngumiti ang lalaki. "I'm not joking, Patricia."
"Kasal na ako."
Sandali itong natigilan sa narinig. Nakahinga siya nang maluwag, akala niya ay titigil na ito, subalit lalong lumapad ang ngiti sa mga labi ni Sergio.
"No, you're not. Your wedding is annulled now, remem
