Mabilis siyang dinampian ng halik sa pisngi ni Andriano. Hindi na siya lumayo rito at hindi na rin nagreklamo. Tutal, mahirap ang makipagtampuhan sa lalaki. Kaya siyang tiisin. Sinalubong na lang niya ang namumungay nitong mga mata.
"Ako rin, wala pang kain. Wanna eat?"
Luminga siya sa paligid at walang ibang nakita kundi pinong buhangin, malalaking bato at tubig-alat.
"Wala namang kainan dito."
Dahil doon ay mabilis na umibis ng sasakyan si Andriano at pumunta sa trunk. Nang bumalik ito, dala na nito ang ilang paper bags na puno ng mga pagkain at inumin.
"Hindi halatang pinaghandaan mo ang pag-kidnap sa akin." Kumuha siya ng isang blueberry cupcake na binili nito saka sumubo.
Natatawa namang uminom ng alak si Andriano. "Kung puwede ka nga lang tangayin papuntang ibang bansa, ginawa
