ALAS-DOSE na ng hatinggabi nang bumalik si Andriano sa silid nila. Matapos nitong makaligo, agad itong nahiga sa kama nang hindi siya pinapansin at diretsong pumikit.
"Andriano . . . "
Malungkot niyang pinagmasdan ang mukha ng asawa. Marahil ay naramdaman nito ang mga titig niya, dahil mula sa pagkatihaya, tumagilid ito patalikod sa kaniya.
Ilang ulit siyang napalunok sa ginawa nito. Gusto niya itong kausapin at humingi ng tawad kahit na wala naman siyang kasalanan na nagawa rito. Subalit sa tuwing aangat ang kamay niya para hawakan ang lalaki, bigla siyang nawawalan ng lakas ng loob.
Bumangon siya at sumandal sa headboard ng kama. Matagal na oras na siyang nakaupo, ala-una na rin ng umaga noong mga sandaling iyon, pero hindi pa rin siya dinadalaw ng antok.
"Alam kong gising ka pa," l
