"HINDI KA TITIGILAN nang mga 'yan Hija. Delikado ang mga desisyon mo Maria." madiin na usal ng ama ni Maria sa kaniya. "Lalo na at nanalong Gobernador ang asawa mo kaya hindi lahat ng lakad mo ay ikaw lang."
Maagang nagising si Maria kaya nagtungo siya sa malaking sala at naabutan niya ang kaniyang ama naandoon. Mabilis niya itong nilapitan at kinausap ng makaupo sita. Ngunit mabilis din siyang sinabon ng banggitin niya ang pagpupumilit ni Jesse na bantayan siya kahit ayaw niya.
"Huwag matigas ang ulo anak." sagot nito pa sa reklamo niya. "Kinausap ko na si Attorney Sanchez." namilog ang mga mata niya. "Kung ayaw mo nang kasama sa lahat ng lakad mo, siguro mas okay na idaan natin sa proseso, anak."
Wala pa sa plano niya iyon. Balak niya iyon ngunit hindi pa ngayon dahil may iniisip pa
