KABANATA 41:
ILANG ARAW NA ANG LUMIPAS NGUNIT hindi na ulit binagabag ng makulit na engkantong 'yon ang nananahimik na si Nomi.
Nagpasya na ang tatay ni Nomi na kunin siya rito dahil uuwi na ang nanay niya. Hanggang ngayon, wala pa rin itong kaalam-alam sa tunay na nangyari sa anak niya. Ewan ko ba naman sa kanila at kung bakit nahihirapan silang sabihin. Mas mahirap kapag sa ibang tao pa malalaman ng nanay ni Nomi. Pero, hindi ko na problema 'yon. Ang iniisip ko ngayon ay kung kailan muling magpaparamdam iyong reyna ng mga engkanto at kung anong balita.
"Kung pupunta ka lang dito para tumunganga, h'wag na lang."
Natauhan ako mula sa pagkakalutang nang marinig ang panibagong reklamo ni Jelay. Kaagad na napansin ko iyong babaeng naghihintay sa harap ng counter.
"H-hindi ah! Hindi naman
