KABANATA 7:
HINDI KO ALAM KUNG ANONG MASASABI KO sa babaeng 'to. Hindi ko rin alam kung totoo ba ang mga sinasabi niya pero sa lakas yata ng powers niya, pumayag si Mama nang walang pag-aalinlangan.
“Mama, naniniwala ka ba sa mga pinagsasabi ng babaeng 'yon?” tanong ko kay Mama pagkalabas ko ng banyo. Katatapos ko lang maghugas ng katawan at ready na para matulog.
“Basta alam ko anak, mapagkakatiwalaan iyong babae na 'yon.”
Nanliit ang mga mata ko, “Talaga Ma? Nakita mo ba ang future niya kasama ako?”
Napakamot si Mama sa ilong niya. “Hindi naman. Alam mo namang hindi ako kasing-husay ng Lola mo. Ang kaya ko lang gawin ay makita ang hinaharap ng isang tao kung papayag siyang makita ko ito,” sagot niya.
Tumango ako at saka pinunasan ang buhok ko gamit ang isa pang tuwalya.
“Pero baki
