KABANATA 6:
ALAS TRES NG HAPON NANG mag-umpisa akong manggamot. Sa totoo lang, tinatamad talaga akong manggamot ngayon pero wala akong magagawa kundi gawin pa rin ang tungkulin ko.
Maraming bata, kadalasan mga napaglaruan ng duwende o kaya’y napilayan. May mga matatanda rin namang nabati ng hindi nakikita at syempre, hindi mawawala iyong mga babaeng makikire na kailangan pang magpanggap para lang makadiskarte sa akin.
Putsanggala naman talaga, o! Sa panahon ngayon, lamang na talaga ang mga desperadang babae. Ayaw ko sa mga desperadang babae, hindi man halata.
Maggagabi na nang matapos akong manggamot. Medyo kaunti lang ang pumila ngayon kaya ayos na rin, makapagpapahinga ako nang maaga. Hindi pa ulit nagpaparamdam sa akin iyong si Nomi. Siguro okay ang ginawa kong orasyon sa loob ng kw
