Kanina pa siya nakatulala sa desk ng opisina niya. Gumugulo anh sinabi sa kanya ng asawa na kailangan maibigay niya rito ang anak na gusto nito sa loob ng dalawang buwan lang at kung hindi ay paalisin na siya nito sa poder nito. Bagay na hindi pa pwede mangyari. Sa pagkakaalam niya halos dalawang buwan pa ang bisa ng injection sa kanya ng OB. Sinugurado kasi niyang sa pagpapagamit ng katawan kay Zandro ay hindi siya mabubuntis. Tama ng siya na lang ang magdusa sa malupit na mundo.
Hindi siya pwedeng umalis sa poder ng asawa hanggat hindi pa siya tapos kay Julio at makuha ang Mommy niya sa poder ni Julio. Alam niyang mahihirapan siya sa pagsasagawa ng kanyang mga plano. Kaya nga hindi pwedeng magkasira sila ng asawa ngayon.
Hindi man sabihin sa kanya ni Zandro ang biglaang pagbabago nit
