Dahil na rin sa matagal na silang hindi nagsasama ng Mommy niya, nagtagal sila sa loob ng coffee shop para nagkwentuhan pa. Tama nga ang hinala niya, patuloy pa rin ang pananakit ni Julio sa Mommy niya.
Noong una ayaw magkwento ng Mommy niya, marahil dahil ayaw siya nitong mag alala, pero dahil na rin sa pamimilit niya ay nagkwento na ang ina. Kaya naman lalong siyang ngayong naging pursigido na magpakasal kay Zandro.
Ang pagpapakasal kay Zandro De Guzman ang tanging sagot sa lahat ng problema nilang mag ina. Handa niyang isakripisyo ang sarili para sa kaligtasan ng Mommy niya. Sa tagal na rin niyang nakatira sa bahay ni Zandro, ay para na niya itong kilalang lubusan. Kung sakaling maging mag asawa sila ni Zandro alam niyang hindi siya sasaktan nito. Hindi siya pagbubuhatan nito ng kama
