Dalawang araw na lang mula ngayon eleksyon na, magkakaalaman na kung sino ang mananalo sa kanila ni Julio. Sa survey ay lamang na siya, pangalan niya ang sinisigaw ng taong bayan. Silang dalawa ni Nikka ang nangunguna sa survey, hindi naman ganoon kalayo ang agwat nila kina Julio at Wilson. Dahil nga gumagamit ng pera ang mga kalaban nila para mamili ng boto, kaya may pumapanig pa rin sa dalawa.
Malinis naman silang nangangampanya at hindi namimli ng boto katulad ng ginagawa ng mga kalaban nila. Ganoon pa man hindi siya nangangamba. Alam niyang mananalo siya. Maipapanalo niya ang eleksyong ito para kay Ziyah.
"Sa tingin mo ba matatanggap ako ng pamilya mo?" Tanong sa kanya ni Ziyah nang hapon magtungo sila sa Tragora Mall para bumili ng damit nito.
Nagyaya kasi ang Daddy niyang mag di
