"Kanina ka pa nakangiti diyan, may nangyari ba?" Tanong niya kay Ziyah, habang patungo sila sa bahay ng Mommy nito para sunduin na si Zander.
Katatapos palang ng dinner date nila, at pansin niya ang malalim na ngiti sa labi ng asawa matapos lumabas ng washroom.
"Natatawa lang ako kay Carla."
"What? Kay Carla?" Kunot noong tanong niya.
"Yeah, nagkasabay kami sa washroom. Duda ko sinundan talaga niya ko sa washroom kanina," sabi nito na nakangiti pa rin.
"What happened? May ginawa ba siya sa iyo?" Tanong niya. Kilala niya ang mga babae na nagbabardagulan at sa uri ng ngiti ni Ziyah ay mukhang panalo ito sa bardagulan kanina.
Kinuwento ng asawa sa kanya ang nangyari rito at kag Carla sa loob ng washroom. Pakiramdam tuloy niya ang gwapo-gwapo niya at talagang pinaglalaban siya ng asawa.
