Dos POV.
Natapos ang kasal namin nang mas maganda pa kaysa sa lahat ng inaasahan ko.
Matapos ang lahat ng pagsubok, sakit at napakaraming taon ng paghihintay.
Sa wakas...
Naging asawa ko si Shairene.
Ang babaeng matagal ko nang minahal ngunit matagal ko ring binalewala. Dahil ang akala ko si Meru ang babaeng para sa akin.
Ngayon, habang nakaupo kami sa veranda ng mansion at pinagmamasdan ang paglubog ng araw, hindi ko pa rin lubos maisip na totoo na ang lahat.
Nakahilig si Shairene sa balikat ko.
Tahimik kaming nakatanaw sa hardin.
Sa damuhan kung saan naghahabulan sina Uno-Sherwin at ang nakababatang kapatid nito na si Dos Luiz.
Paminsan-minsan ay maririnig ang kanilang tawanan.
At sa bawat halakhak na iyon...
Mas lalo kong nararamdaman kung gaano ako pinagpala.
"Dos..." Mahi
