Mabilis na tumalima papasok ng sasakyan si Ezekiel at pinaandar iyon.
Kaagad na nagpadala siya ng mensahe kay Dave, na magpadala ng maraming yelo at ilagay sa tub ng banyo niya sa condo.
Nakailang 'bakit' pa ang kaibigan sa text habang nasa biyahe sila. Wala siyang nagawa kundi sabihin ang totoo. Pinayuhan pa siya nito na tawagan si Becker sa lalong madaling panahon.
Wala siyang ideya kung bakit iyon nagawa ni Noemi, ang lagyan ng droga ang dapat na iinumin niya. Isa si Noemi sa mga naging fling niya noong kolehiyo. Sa tingin niya, nagawa nito iyon dahil tinanggihan niya ito sa gusto nitong mangyari.
Kung noon siguro, puwede pa. Pero ngayon? Not anymore! Si Diane lang sapat na sa kan'ya!
Binalingan niya ang dalagang napapikit. Alam niyang pilit nitong nilalabanan nito ang hindi maipal
