Napatingin siya sa matanda ng ilapag nito ang iba't-ibang klase ng gulay.
May isda din itong dala, na puwedeng ihawin. May ilang damit din itong dalang pambabae dahil puro panlalaki lang ang nasa kabinet ng anak nito.
"Ang dami naman yata po nito, Nay?" Tukoy niya sa gulay na nilapag nito.
"Aba't, bayad ko 'yan kanina kay pogi. Ayaw niya kasing tanggapin. May bigas na din d'yan. Ang poso nando'n sa katabing bahay ko, doon na lang kayo umigib..."
Marami pa itong sinabi at binilin sa kan'ya. Sasabihin na lang niya sa binata ang mga sinabi ng matanda.
Pagbalik ni Ezekiel mula sa banyo ay nakabihis na ito. Sa bahay ito ng matanda nakiligo dahil wala palang bubong ang banyo dito sa bahay na tutuluyan nila.
"Ako na magluto, Love," ani ng binata sa kan'ya.
"Hindi, ako na. Saka, hindi gasul
