KABANATA 12:
BIGLANG NAPATAAS ANG KILAY ni Sixto dahil sa tanong ni Denzel. Agad na hinampas ko ang balikat ni Denzel pero hindi ito nagpatinag, diretso pa rin siyang nakatingin kay Sixto na animo ay sasakalin siya sa oras na magkamali ito ng sagot.
Napangisi si Sixto at saka humakbang palapit kay Denzel. Kaagad ko namang hinawakan ang braso ng seloso kong boyfriend dahil natakot akong baka bigla na lang niyang sakmalin ang kapatid ko. Halatang galit si Denzel lalo na at ang braso niya ay naninigas kasabay ng pagkuyom ng mga kamao niya.
"To see is to believe, look at my eyes." Tumingala nang bahagya si Sixto sa kaniya. Mas matangkad ng kaunti si Denzel, 5'9 ang height niya at hanggang kilay naman niya ang taas ni Sixto.
Akala ko ay sasapakin na lang bigla ni Denzel ang kapatid ko dahil
