Dahil linggo ay nagsisimba ang pamilya. Mabuti at maaga akong nahatid pauwi ni Troy. Nakasama pa ako kanila Nanay sa misa.
"Hindi ka man lang nagpaalam sa amin ng Tatay mo." ani Nanay habang papasok kami ng simbahan. Hindi pa naman nagsisimula.
"Ayaw ko po kasing gisingin pa kayo at alam kong nagpapahinga na kayo sa mga oras na 'yon kagabi." paliwanag ko.
Tumango nalang si Nanay at nakahanap na kami ng mauupuan. Nang magsimula ay lalo akong nakinig sa mga salita ni Father. Pakiramdam ko ay nag-cheat ako kay Tristan. Dahil sa nangyari sa amin kagabi ni Troy. Hindi naman kasalanan ni Troy dahil lasing siya... At mali iyon. Hindi na dapat maulit pa.
"Tita Hannah? Okay ka lang po ba?"
Napabaling ako ng tingin kay Twinkle sa aking tabi. Nangungunot ang noo ng pamangkin ko sa akin.
Ng
