“Kamusta? Narito ang Papa,” ani ng isang taong kailan lang ay bumalik sa aking alaala. Naroon pa rin ang mala-demonyong ngisi sa kaniyang labi at ang mata ay itim na itim dulot ng sa tingin ko ay kasamaan niya.
“Who is he?” tanong ni Gum-Oh mula sa likuran namin.
Nanginig ako agad dahil sa nasasaksihan. Dalawa sila, ang Doctor at ang lalaking kinilala naming Ama noon ni Viro. Ang taong naging dahilan ng lahat naming paghihirap.
“Ang aking mga anak ay malalaki na,” anito at saka humalakhak habang pumapalakpak ang mga kamay na may hawak pang sigarilyong hindi nasisindihan.
Nagtiimbagang agad ako at halos gusto na siyang sugurin ngunit naunahan ako ni Viro sa pagsasalita.
“Hindi mo kami anak!” galit at madiin na sambit ni Viro at nang lingunin ko ay nakita ang pamumula n
