Diretso ang lakad at hindi na nagawa pang bumati pabalik sa kanila. Ang utak ko ay okupado ng tungkol kay Mike at sa kapatid nito. Ibinagsak ko lamang ang bag ko sa lamesa at saka mabilis na kinuha at isina-ayos ang laptop. Hindi ko na inisip pa ang pagpapalit ng damit dahil mas gusto ko itong unahin.
Dali-dali akong nag-type at hinanap ang panaglan ni Oscar Lee sa google. Nais kong malaman kung sino-sino ang kaniyang pamilya na naiwan niya. Hindi ko pa nga pala nakakausap si Viro tungkol sa pagbisita kay Oscar Lee. Mas mahalaga ito muna sapagkat nasa paligid lamang namin ang taong hindi namin marapat na pagkatiwalaan. Naloko na kami ni Viro at posibleng may iba pa siyang plano sa amin.
Nang i-type ko ang pangalan ni Oscar Lee, napakaraming artikulo ang lumabas. Kaakibat na noon
