“May masakit ba sa iyo?” pa-simpleng bulong ni Carina sa may gilid ko. Kinakatok niya ang ballpen sa may desk ngunit walang tunog. Marahil ay dahil sa boredom.
“Wala naman. May iba lang akong pakiramdam,” tugon ko at saka nagpatuloy sa pag-do-doodle ng kung ano-ano sa notebook ko.
Napaka-tahimik ng klase dahil na rin sa ang substitute namin ngayon ay ang nag-iisang terror ng Pharang High. Ilan na ang bumagsak na estudyante dahil sa kaniya kaya naman ganoon na lamang ang takot ng Klase sa kaniya. Sino ba naman ang gugustuhin na hindi makapasa ngayong Graduation na lamang ang hinihintay namin?
‘Once you got caught, you are out.’ That is her motto kung kaya naman halos ayaw na namin na siya ang nakakasalamuha ngunit siyempre, hindi sasang-ayon ang tadhana. Mabuti na lamang at mabili
