"MANANG LOURDES!" TAWAG ni Madison sa pangalan ng matanda.
Nasa loob sila ng kusina at naghahanda ng mga pagkain para kay Ria. Iyong tinutukoy ng mommy ni Grayson sa anak niyang si Gray. Sino kaya ang babaeng iyon? Hindi niya alam, pero may interest siya rito... gustong-gusto niya itong makilala.
"Bakit, Madison?" tanong ng matanda nang humarap sa kaniya.
"May tanong lang po ako."
"Ano iyon, hija?" anito habang naggayat ng patatas.
"Sino po si Ria?" taka niyang tanong.
Nag-angat ng mukha sa kaniya ang matanda. "Ria? Bakit mo naman tinatanong ang tungkol sa kaniya? Pero sige, sasagutin kita. Minsan na siyang pumunta rito at ngayon lang ulit naulit. Kapag nakita mo siya, magagandahan ka. Model kasi iyon sa New York. Sikat din katulad ni Grayson. Pero, may sasabihin ako sa iyo. Huwag mo
