Forty-three
Pinagbuksan agad ako ni Abe ng pinto. Malawak ang ngisi nito na ginagap ang kamay ko, at hinila papasok. Inihagis ko lang sa couch ang bag ko, at mabilis na lumingkis dito. Wala nang pwedeng makapigil sa aming dalawa. Wala rin akong pakialam kung masagasaan ko pa si Zoey. Iniangat ako nito, at mabilis ko namang ipinulupot ang binti sa bewang nito. Hindi na kailangan ng mga salita upang magkaintindihan kami. Sapat na ang mga kilos namin para magkaunawaan kaming mag-asawa. Patuloy pa rin kami sa mainit na paghahalikan, hanggang marating ang silid ng condo nito. Saka n'ya ako marahang inihiga sa kama, habang magkahugpong pa rin ang aming mga labi. Tumigil sandali ito at lumayo sa akin. Nang makita ko ang pagmamadali nitong makapaghubad, ay gano'n na rin ang ginawa ko. Nang muling
