Nakapamaywang akong nakadungaw sa dami ng labahan. “What happened to the washing machine?” tanong ko kay Ate Yna.
Nasa likod kami ng mansion kung saan may poso at may kongkretong area para sa labahan. May mga timba at maliit na plastik na upuan din.
“Nasira at wala si Emilia. Habilin niya sa ‘king i-hand wash ko lahat ng ito.” Napatirik siya ng mga mata.
“Kabanas talaga ang Witch Emilia na ‘yan. Ang dami kaya niyan.” Napatingin ulit ako sa tatlong malalaking palanggana na puno ng kurtina at ibang mga damit.
Hinugot ko ang cell phone at saka tinawagan ang bruha pero hindi makontak.
“Huwag mo nang aksayahan ng oras at effort. Sinadya niya talaga ‘to.” Halatang alam na niya ang resulta ng pagtawag ko kahit hindi ko sinabi.
“Eh, ‘di bibili tayong washing machine⸺” suhestiyon ko.
“Huwag
