KINABUKASAN, nagising si Cyrhel na latang-lata ang pakiramdam. Dahan-dahan niyang iminulat ang mga mata. Akala niya ay namamalikmata siya na nasa gilid ng kamang hinihigaan ang lalaking minamahal, pero nang maalala ang pananakit nito sa kanila ni Ryan ay biglang napalitan ng takot ang mga mata niya.
Ano’ng gagawin nito sa kanya? Bakit hanggang dito sa ospital ay sinusundan siya nito? Hindi niya napansin ang doktor na nakatayo sa bandang ulunan niya.
“Oh, Miss Sheena, gising ka na pala? Kumusta ang pakiramdam mo?”
Naalimpungatan si Tristan nang marinig ang boses ng doktor. Agad siyang tumuwid sa pagkakaupo saka tumutok ang mga mata kay Cyrhel.
Nang makita ng dalaga na nakatingin sa kanya si Tristan ay agad na bumaling ang mukha niya sa ibang direksiyon. Natatakot siya sa lalaki, baka sa
