RYAN
"DO you need anything, Ryan?" tanong sa akin ni Erich habang nakatayo ito sa tabihan ko.
Imbes na sumagot, nanatili akong tahimik. Wala akong panahong makipag-usap dito. Imbes na maging mabuti ang kalagayan ko, mas sumama pa dahil kay Erich. My parents left me alone here with this woman. Wala naman akong magawa kundi manatili rito kahit kating-kati na ang mga paa kong bumaba sa kinahihigaan ko at umalis sa lugar na ito. Kahit gawin ko iyan, hindi rin matutuloy dahil wala pa akong sapat na lakas na isa sa mga kailangan ko. Medyo masakit pa rin ang sugat ko sa aking tiyan. Binabawasan ko na ang paggalaw ko dahil kapag galaw ako nang galaw, mas sumasakit ang natamo kong sugat at may tendency ring dumugo.
"Hey, Ryan. Naririnig mo ba ako? Para naman akong tanga rito imik nang imik. Kani
