EMILY/SCARLETT
"WALA kaming balak na saktan kayong dalawa. Mabubuti kaming tao at hindi namin kayang manakit ng kapwa. Kung nasaktan man namin kayo, pasensya na. Nagawa namin iyon para hindi niyo magawa ang balak niyong pagtakas..." Tatay Igme said calmly.
"Mabuti kayong tao? Kung mabuti kayo, then bakit kami nakagapos dito?" nakangisi kong tanong sa matanda.
"Iginapos namin kayong dalawa dahil ayaw naming makatakas kayo. Pasensya na talaga dahil kailangan naming gawin iyan."
"Bakit?" walang emosyon kong tanong.
Halos isang minuto akong tinitigan ni Tatay Igme bago ito nagsalita. "Dahil kailangan namin kayo. Kailangan namin kayo para sa aming anak na may malubhang sakit," may kalungkutang tugon ng matanda at makalipas ang ilang segundo, tumulo na ang ilang butil ng luha sa mga mata ni
