EMILY/SCARLETT
"PUWEDE bang kahit ngayon lang, maniwala ka sa akin? I'm telling you the truth, Ryan. May tinatago ang mag-asawa sa atin. They are lying to us. Please, maniwala ka sa akin. We're not safe here anymore. Ano bang gusto mong gawin ko para maniwala ka lang?" mangiyak-ngiyak kong wika habang diretsong nakatingin sa mga mata ni Ryan.
"Wala kang kailangan gawin, Scarlett. Pero kasi... imposible naman yata iyang sinasabi mo. Bakit naman magkakabaril sina Tatay Igme? Hindi ko maintindihan kung ano ang ipinupunto mo. Mahal kita, Scarlett. Pero kung ano ang balak mo... gawin mo. Wala akong pakialam sa gusto mong gawin. Basta ako, hindi ako maniniwala sa iyo."
Hindi ko na nakontrol ang luha sa mga mata ko. Tuluyan na iyong lumabas habang hindi inaalis ang tingin sa mga mata ni Ryan.
