EMILY/SCARLETT
"HEY, are you okay? You looked pale since we arrived here…"
Napalingon na lang ako sa tagiliran ko kung saan nakatayo si Ryan. Bumuntong-hininga ako bago humarap dito at sunod-sunod na lumunok ng laway. Kasalukuyan kaming nandito sa sementeryo sapagkat napagdesisyunan kong dalawin si Amy na ilang buwan ko nang hindi nabibisita.
"Ryan, hindi pa rin mawala sa isip ko iyong nalaman ko noong isang araw. May kakambal pala si Erich. Ilang taon kaming nagkasama noon pero ni hindi niya nabanggit sa akin ang tungkol sa kakambal niya. Kung hindi pa sinabi ng ina niya, hindi ko pa malalaman. May kutob ako, Ryan. Paano kung… paano kung iyong kambal niya talaga ang nagsimula ng lahat ng ito? Si Erica, paano kung siya? Kung siya nga, nasaan si Erich ngayon? Gulong-gulo na ako, Ryan.
