EMILY/SCARLETT
NAKATANAW ako sa kulay asul na kalangitan nang biglang bulabugin ni mama ang pagmumuni-muni ko. Humarap ako rito upang alamin kung bakit ako nito tinawag.
"'Ma, bakit p—"
"May bisita ka, anak."
Bahagyang umipod si mama at napasinghap ako nang makita ko si Ryan sa likuran nito. Nakangiti itong naglalakad habang may dala-dalang isang bugkos ng rosas. Tumigil ito sa harap ni mama at nagpapantastikuhang tumingin sa akin. Napangiwi ako dahil sa inakto nito. Hindi ko alam kung matatawa ba ako sa ginawa nito. Para bang ayaw ako nitong lapitan dahil kasa-kasama lang namin si mama.
"Ryan, a-anong ginagawa mo rito?"
Binasag ko na ang katahimikang namamagitan sa aming dalawa sapagkat malakas ang kutob ko na kinakabahan si Ryan dahil ni hindi nito magawang makatingin nang diret
