EMILY/SCARLETT
NAKATANAW ako sa human-size mirror habang sapo-sapo ang aking mga labi. Ngunit napaigtad na lang ako nang biglang mag-ingay ang cellphone ko na kasalukuyang nakapatong sa nightstand. Naiiling kong dinako iyon at kinuha upang alamin kung sino ang tumatawag. It's my mother. Kahit may tampuhan kami, nagawa ko pa rin itong sagutin upang alamin kung bakit ito tumawag gayong madaling-araw na.
Malalim akong bumuntong-hininga bago nagsalita. "Hello, ma—"
Hindi pa man ako natatapos nang bigla akong putulin ni mama. "Nabalitaan ko iyong nangyari kanina. Kumusta ka, anak? Ayos ka lang ba? Gusto mo ba nang makakasama ngayon? Pupuntahan kita riya—"
"'Ma, kilala mo ako. Maayos lang po ako at hindi ko kailangan ng kasama. Matulog na lang po kayo, mama at bukas na lang po tayo mag-usap
