NANG MAGISING si Tanya sa pagkakatulog ay nanibago pa siya sa kaniyang namulatan. Saka lang niya naalala na nasa isang pribadong resort nga pala silang dalawa ni Karzon. At ng mga sandaling iyon ay sa villa sila nag-stay ng kaniyang asawa.
Nang magbaling siya ng tingin sa kaniyang gilid ay saka lang din niya nakita ang asawa na mukhang nakatulog din. Siguro ay dala rin ng ilang oras na biyahe kaya nakaidlip din ito nang hapong iyon.
Tumagilid ng higa si Tanya paharap kay Karzon at mataman itong pinagmasdan. Nagtatalo ang kaniyang isipan kung gigisingin na ba ito o hayaan lang itong matulog?
Sa huli ay ipinasya ni Tanya na hayaan lang munang makabawi ng tulog si Karzon. Isa sa dahilan kung bakit ito nagbakasyon ay upang makabawi ng pahinga.
Maingat na lamang siyang bumaba sa kama at hin
