PARA LAMANG makapasok sa loob ng walk-in closet si Karzon ay kinailangan pa nitong gumamit ng susi para mabuksan iyon dahil ni-lock ni Tanya.
Nakahiga si Tanya sa may Cleopatra na sofa. Ni hindi siya natinag sa pagkakatingin sa center table na nasa may tapat lang niya.
Nang mabuksan ni Karzon ang pinto ay agad itong pumasok. Sandali nitong pinagmasdan si Tanya bago ipinasyang lapitan. Napahinto lang ito sa paglalakad nang maagaw ang tingin nito ng tumbler na nasa may trash bin. Yumuko ito at kinuha iyon. Pagkuwan ay ipinatong sa center table nang makalapit sa kinaroroonan ni Tanya.
Sa halip na maupo si Karzon sa may gilid ni Tanya ay mas pinili nito ang maupo sa may harapan niya, sa rug na nakalatag sa sahig.
Ipinikit ni Tanya ang mga mata nang makita ang mukha ni Karzon. May butil na
