NANG MAGISING si Ayah ay hindi ganoon kaliwanag ang paligid na namulatan niya.
Napahikbi siya.
Hanggang sa magkaroon ng tunog ang kaniyang pag-iyak.
“Ang baby ko,” hagulhol pa niya na napahawak pa sa kaniyang tiyan.
Ramdam na ramdam ni Ayah ang hinagpis at galit sa kaniyang puso. Hindi matanggap ni Ayah ang nangyaring iyon. Na ang lalaking pinakamamahal niya ay nagawa siyang paglihiman at paniwalain sa isang bagay na siya lamang ang babae sa buhay nito.
Hanggang sa mayroong maalimpungatan dahil sa kaniyang pag-iyak.
Nang masiguro ni Prix na si Ayah ang humahagulhol ng iyak ay napabalikwas pa ito ng bangon at agad binuksan ang lampshade sa may bedside table sa gilid nito.
“Sweetie, ano’ng nangyayari?”
Lalong naningkit ang mga mata ni Ayah nang makita ang pagmumukha ni Prix.
“Ikaw!
