“MISS FEI, PAKILAGYAN po ng allowance ang gown ko sa bandang tiyan,” paalala pa ni Ayah sa designer ng kaniyang isusuot na wedding gown.
Napaangat ng tingin sa kaniya si Fei Lee. “Why? Mukhang hindi naman magbabago ang hubog ng katawan mo.”
“Baka kasi tumaba ako kapag malapit na ang kasal namin ni Prix. Hindi naman natin masasabi ang panahon. Lalo na at ang sarap kumain,” nakangiti pa niyang dahilan.
“‘Yon lang ba talaga ang dahilan?” nangingiti pang wika ni Fei sa kaniya. Tila ba tinutudyo siya.
“Miss Fei, parang may kakaibang laman ‘yang sinasabi mo, ha?”
“Tamang duda lang. Malay mo naman tama ang aking pagdududa. Pero ‘wag kang mag-alala, ikaw pa rin naman ang masusunod, Ma’am Ayah. Our soon to be Mrs. Montejero. You’re such a lucky client of mine. Isa na namang Montejero ang maita
