HABANG PAPALAPIT ang araw ng kasal nina Tanya at Karzon, daig pa ni Tanya ang animo hindi mapaihi kapag naiisip ang nalalapit nilang kasal. Wedding jitters kung tawagin ang kaniyang nararamdaman.
Sinabihan naman niya si Karzon at ang pamilya niya na kung maaari ay mga malalapit lang sa kanilang pamilya ang invited sa kanilang kasal. Ngunit dahil sa laki ng connections ng kaniyang asawa, mukhang hindi katulad ng kaniyang inaasahan ang dadalo sa kanilang kasal. Maraming importanteng tao sa business world na kinabibilangan nito na dapat ay sasaksi sa pag-iisang dibdib nila.
Nang gumawa kasi sila ng listahan ng mga tao na dapat ay a-attend sa kanilang kasal ay may karamihan din iyon.
“Dapat pa ba talagang imbitahin ang pamilya ng Marionette na ‘yan?” kulang na lamang ay tumaas ang kilay ni
