MATAPOS ang ilang linggong paghihintay, sa wakas, dumating na ang pinakahihintay nilang araw ni Karzon. Iyon ay ang sabay silang humarap sa dambana ng simbahan.
Kaunting sandali na lamang, ani Tanya sa kaniyang isipan.
Nang mga sandaling iyon ay nakasakay pa siya sa bridal car. Hindi pa siya pinabababa dahil kasalukuyan pa lang na naglalakad ang mga kasali sa entourage sa aisle ng simbahan.
Huminga siya nang malalim. Kinakabahan siya, pero sinisikap niyang indahin iyon. Bago siya bumaba sa kotse ay sinuri pa ng kaniyang makeup artist ang kaniyang makeup sa mukha.
Punong-puno ng sasakyan ang parking lot ng St. Catherine of Alexandria Parish Church. Ang iba ay sa mismong labas na ng area ng simbahan naka-park dahil wala na halos ma-parking-an sa harapan ng simbahan.
First time niyang ik
