NAPAHIKBI si Tanya.
Ramdam na ramdam niya ang paghapdi ng kaniyang lalamunan. Ang mga luha niya ay nag-uunahan pa sa pag-agos sa gilid ng kaniyang mga mata.
“Taksil ka. Tak… taksil.”
“Sweetie… sweetie.”
“Taksil!”
Napaawang ang labi ni Karzon nang biglang sumigaw si Tanya. Napalunok ito at muling niyugyog ang balikat ng asawa.
“Sweetie, wake up. Sweetie.”
Halos mahabol ni Tanya ang kaniyang paghinga nang sa wakas ay magising siya.
Namulatan niya ang kunot pa ang noo na si Karzon. Bigla ay nailibot niya ang mga mata sa paligid. Napabangon pa siya mula sa pagkakahiga at marahang inilibot ang tingin sa paligid habang habol ang kaniyang paghinga. Walang nakakalat sa paligid na mga gamit. Nasa maayos na lalagyan ang lahat. Hindi katulad ng nangyari sa…
“Are you okay? Nagising ako na pan
