NASURPRESA si Tanya dahil sa pag-uwi ni Karzon ay kasama na nito si Prix. Sa bahay raw nila ito mag-di-dinner.
Nakipagkumustahan pa si Prix kay Nana Ester.
Ngunit hindi rin nakatakas sa matalas na paningin ni Tanya ang lungkot sa mga mata ni Prix na itinatago nito sa isang pilit na ngiti. Malayo ito sa huling Prix Montejero na kaniyang nakita.
“Okay lang ba ang pamangkin mo?” mahina pa niyang bulong kay Karzon.
“He’s not fine emotionally and mentally, sweetie,” ganting bulong din ni Karzon sa kaniya.
“Why?”
“Mamaya na natin pag-usapan sa kuwarto natin.”
Napabuntong-hininga si Tanya.
“Kumusta?” baling pa sa kaniya ni Prix na kinuha ang kamay niya at nagmano pa.
Naaalibadbaran na binawi niya ang kamay rito. “Pakiramdam ko, ang tanda-tanda ko na agad. Magmamano ka sa akin pero mas m
