SA LOOB lang ng isang linggo ay agad na nakalipat ng bahay sina Tanya at Karzon sa Golden Meadows Subdivision. Uupahan nila ang isang two storey na bahay hanggat hindi pa sila nakakalipat ni Karzon sa bahay na ipapagawa nito sa Valle Encantado Village. Inabot ng isang linggo bago sila nakalipat dahil lahat ng gamit sa loob ng bahay na nilipatan nila ay puro bago.
Pinalinis ding mabuti ni Karzon ang bawat sulok niyon para sa kaniya.
Hindi rin iyon malayo sa Montejero’s Group dahil nasa Pagbilao City rin ang Golden Meadows Subdivision. Private subdivision din iyon kaya mahigpit din ang seguridad.
“Kumportable ka ba rito?” tanong pa ni Karzon kay Tanya matapos niyang usisain ang buong bahay.
May ngiti sa labi na tumango siya. Mahigpit niyang niyakap si Karzon. “Thank you so much. Hindi na
