“BAKIT GANIYAN kang makatingin?” taka pang untag ni Tanya kay Karzon na para bang daig pa ang naeengkanto kung makatitig sa kaniya. May ngiti pang nakapaskil sa labi nito.
“Natutuwa lang ako,” tugon ni Karzon.
“Saan? Sa demanding na anak ng investor ninyo sa kompanyang ito?” napaismid pa si Tanya pagkasabi niyon.
Kapag naaalala niya ang eksena kanina sa may elevator ay animo nag-iinit na naman ang kaniyang bunbunan.
“Sweetie, seriously, na-speechless ako kanina sa baba. Ang tapang mo kasi kanina. First time kong makita kang humarap ng ganoon sa taong kinukursunada ako.” Ngumiti na naman si Karzon sa kaniya. Pagkuwan ay kinuha nito ang isang kamay niya at hinawakan.
“Gusto ko lang protektahan kung ano ‘yong sa akin. At sa akin ka. Pero kung ikaw mismo ang aayaw sa akin at pipiliing sum
