PAGKALAGAY NI Tanya ng lipstick sa kaniyang labi ay muli pa niyang binistaan ang kaniyang suot na dress na kulay red wine. Sa mabilisan niyang pag-aayos, nagawa pa rin niyang magmukhang mas maganda ng mga sandaling iyon. Kaya na niyong maka-intimidate ng sino mang eepal sa kaniyang daraanan.
Tiningnan pa niya ang oras sa kaniyang relong pambisig.
Wala na rin siyang oras para sipatin pang lalo ang kaniyang hitsura. Nagandahan na naman siya sa kaniyang sarili kaya okay na iyon.
Daig na naman niya ang magnanakaw na sasalisi sa may-ari ng kaniyang bahay na pagnanakawan. Tatakasan lang kasi niya si Aniah at ang mga kuya nito kaya nagmamadali siya.
“Tara na po, Mang Atong,” aniya sa personal driver nila ni Karzon.
Inihatid siya nito sa Montejero’s Group.
Ngayon na lang ulit siya tutuntong
