“PRINCE!!!”
Ang mga munting palirit na iyon ang nagpabaling ng tingin kay Ayah sa may salas. Papunta sana siya sa kusina nang mapahinto sa paglalakad dahil sa narinig na mga palirit.
Mukhang may bisita na naman. Pero nagtaka siya nang may sumulpot na tatlong batang lalaki na nag-uunahan pa sa paglapit kay Prince. Pagkuwan ay niyakap pa ang anak niya.
Sino naman ang mga batang iyon? At kilala pa si Prince.
Nawala lang ang pagtataka ni Ayah nang sunod niyang makita ang pagdating ni Prix. Ngunit hindi ito nag-iisa. May kasama ito. Ang isa ay dagli niyang nakilala. Iyon ang babaeng napagkamalan niya na ang ipinagbubuntis ay kay Prix. May akay itong batang babae.
At nang makita niya ang isa pang lalaki na kasama ni Prix, na tingin nga niya ay kaedaran nito, napagtanto niya na iyon ang tinu
