Nang lumingon ako ay nakita ko si Jake na nakatayo sa di-kalayuan. Hindi ko alam kung ano ang aking sasabihin sa kanya pero noong tumingin ako sa kanyang mga mata, ramdam ko ang sakit na naramdaman niya. Inilipat ko ang aking tingin kay Jacob upang humingi ng saklolo kasi hindi pa ako handang ipaalam sa lalaki ang lahat. May taning na ang buhay nito kaya ayoko sanang sumama ang kanyang loob sa akin.
“Jake, ikaw pala,” kalmadong wika ni Jacob, habang ako ay hindi mapakali sa aking kinatatayuan. Nanghihina ang aking tuhod at hindi ko alam kung ano ang aking gagawin.
“Ano iyong narinig ko, baby?” Tanong ni Jake habang nakatitig sa akin. Hindi ko rin sigurado kung kanina pa ba siya nakatayo doon o kung kanina pa niya kami narinig ni Jacob.
“B-baby, a-ano, hmmm kasi, I mean -”
“Huwag mo
