***LEREN's POV***
"Saan ka galing, Leren?" agad na tanong ni Kent pagdating na pagdating ko sa bahay niya. Hindi naman siya galit dahil tinakasan ko siya, sa halip more on concern ang kanyang tinig.
"Galing ako kay Detective Ryan. Nag-follow up kung kumusta na ba ang kaso ni Kuya," awtomatikong sagot ko na prinactice ko pa talaga sa taxi kanina habang pauwi. Tama ako na madadatnan ko siya.
"Kay Detective Ryan Cerdan?"
Natilihan ako. "Kilala mo siya?"
"Kilalang-kilala dahil naging police chief ko siya sa ilang kaso na hinawakan namin. At kasama ko siya sa meeting namin kanina."
Ramdam na ramdam ko ang pag-iinit ng aking mga pisngi. Para rin akong binuhusan ng isang drum ng malamig na tubig nang mapagtanto kong hindi ko malulusutan ang pagsisinungaling ko. Buking!
Hindi ka na nahiy
