***ZRION’s POV***
Sa isang kilala para sa mga batang fast food chain namin dinala si Yazmin para kumain. Isinama na rin namin ang pamilya ni Aling Elvie. Mayroon pa ngang sabit na isa pang bata na bigla na lamang tinawag ni Leren. Sana lang ay hindi ito ngayon hinahanap ng nanay niya.
Napapakamot na lang ako ng ulo nang wala sa oras.
“Napakasuwerte ng anak niyo po, Ate Leren. Kasi ang bait niyo po na magiging mommy at daddy niya,” narinig kong sabi ni Yazmin habang panay ang subo ng fries.
“Suwerte ka rin naman sa tatay at nanay mo, hindi ba? Tapos may lola ka pa na mabait.”
Biglang nalungkot ang bata. “Kaso hindi naman kami yata love nina Nanay at Tatay. Iniwan po nila kami, eh.”
Mula sa pakonti-konti kong pagkain ay napasulyap ako sa inosenteng mukha ni Yazmin. Nanikip ang lalamu
